VIVI HK store - wedding blog

一入婚展第一間舖就係見到薇薇新娘，咁啱我女朋友上網時又有睇過同聽過呢個名，覺得都可以試吓，就埋去睇吓佢哋啲相。去到佢哋嗰度都俾咗好多選擇我哋，又有俾時間我決定。令到我哋下到決定嘅主要係睇完佢哋公司攝影師影啲相，覺得同我哋心目中想要嘅效果一樣，就快靚正決定咗佢。 由於我哋想影櫻花景，但我返工啲時間就唔到台灣櫻花季，去日本又太貴，所以就去咗韓國濟洲度影。雖然因為出發之前2日濟洲落大雨，打落晒啲櫻花，攝影師都幫我哋搵到個地方係仲有少少嘅可以影吓。不過除此之外，呢個一生人一次、第一次，都係唯一一次嘅婚紗照旅程我哋都好滿意同開心。我哋想要溫馨自然簡單嘅效果，攝影師佢哋都幫我做到，大家合作得好快就完成一日嘅拍攝。 返到黎揀相，package有basic 30張，我自己都加咗錢加多幾張。當然消費者心態都係覺得一開始俾多啲相我哋就開心啲，但其實我哋都覺得價錢合理同滿意。

我唔係太熟悉香港婚紗攝影，有一次係婚紗展見到呢間公司，見佢佈置同租場地都大，就坐低了解咗，傾落計覺得用佢都okay，行多幾間最後都係揀咗呢間。Sales Vivien好詳細咁解釋比我聽要做咩、要揀咩、比啲sample我睇。佢係香港人，尖沙嘴分店店員，佢有提醒我要早啲訓，唔係就會有熊貓眼，哈哈。但佢都話有咩執漏佢地都做到嘅，有個安心。我見到啲相都影得好靚，呢間公司整體乾淨企理，員工親切，價錢合理，所以就揀咗佢。 拍攝之前有個briefing，好詳盡咁話我聽要帶咩、要準備咩。臨攝影前一晚都有打黎提我記得幾點去邊度，記得帶咩，好窩心咁有溫馨提示。我同我先生多去中環同尖沙嘴，因為我住離島，經常出入中環同尖沙嘴，所以想留翻個紀念。尖沙嘴我哋去咗鐘樓同埋天星小輪嗰度影，我哋上咗船，攝影師都好手定，影到幾幅係滿意，額外加咗落去。攝影師都覺得好有挑戰性，因為佢都未試過係天星小輪影，因為船會郁，但佢影得好靚。攝影師係台灣人，我可以同佢用國語溝通，但我先生國語唔好就溝通唔到。佢哋有個司機跟住黎，司機係識講廣東話嘅台灣人。 佢哋好熱情好體貼，好多關心說話，著住咁厚嘅衫會好熱，佢哋都會好擔心，問吓我「你okay嗎」、「洗唔洗休息吓飲吓水」。佢哋都好專業，中環尖沙嘴比較難搵洗手間，佢哋都有方法幫我換到衣服，唔會走光，但唔係洗手間入面，都幾特別。你企係度就得，就會幫你換好衫。 一開頭未執相要揀相，已經感覺唔執都可以，其實都已經好靚，都係稍微執吓，有時廣告招牌太光執翻，多數都係微調。攝影師真係好專業，每個post都只影一張，唔洗曬咁多時間。人會郁，但佢都影到，唔會花咗。 一開始個套餐$15000，後來加咗租車租司機，仲請多咗嗰攝影助手，找數嗰時就變咗三萬，呢個價錢接受到，好舒服。個助手可以幫我哋拎攝影啲衫，唔洗我哋抽來抽去。影相前已經比咗錢，但佢哋唔會減少笑容、減少友善。整體服務都好好，影相快，效果好，修相只係微調，職員友善，好好傾，化妝滿意，big day都會搵翻佢哋化妝師！