我上年咩都唔識咩research都無做就o係婚展度揀左薇薇影婚紗相。同場有比較過其他booth，但薇薇俾我地睇o既photo sample 係比較靚，所以當日就俾左deposit決定用薇薇。 11月影，影前o既service都ok o既。香港分行同事會主動打黎叫我地confirm日期，約出黎briefing咁。影相前一日去揀裙時，個職員都好helpful，好nice。我個package包左5條裙，但我只係揀到4條，佢係有好多裙，但d款唔係好夠同埋size都唔齊，d裙都偏向舊款，in o既款係一定唔會有。另外佢係包埋我老公o既西裝兩款，但無乜款俾你揀，靚少少o個d要另外每套加幾百蚊。我會建議新郎可以自己訂造一套影婚照同big day o個日著，另外再o係薇薇度揀一套全黑，唔洗加錢又抵d。 到影相o個日，係陳小姐幫我化妝，伍佰老師幫我地影相。佢地o既態度係完全無問題，好好人o既，成個過程除左攰其實都ok o既。不過，由於兩位老師唔young，d妝同相出黎o既效果好難令後生仔女滿意。化妝問題不大，但set頭方面就有D問題，髮型有d老，唔夾我個面形，同埋唔襯套衫。我有兩套裙個款唔算太老，但佢幫我set左兩個古裝頭。我塊面比較長應該搵d頭髮遮一遮個額，但佢唔係幫我中間分界就電o亂我d陰。。。 影出黎o既相係好classic o既結婚相，同婚展睇o既相當然會有出入，唔係唔靚，但唔係我想要o既野。 如果大家係想用vivi影婚照，有兩樣野要注意，第一係最好自己諗晒想set咩頭，邊套衫襯邊個頭。第二係你自己本身鍾意好典型o既婚紗相先好揀薇薇，即係d相無乜後期加工，人永遠都係o係張相o既中間咁。 vivi唔係唔好，我兩個老師都好好，但如果留意埋我以上兩點就無敵ga喇。佢地唔會hard sell 要你加相，唔會逼你買，成個過程係好舒服，服務態度係好一流o既!!! http://ladies.discuss.com.hk/viewthread.php?tid=25602639