今年年頭去Wedding Fair, 原本係想去韓國影婚照, 睇左好多間都麻麻地...一直行到婚展就完結都未揀好 經過薇薇既攤位, 認識了林燕停經理, 佢知道我要求後拎左啲sample我睇...我開頭以為真係韓國影既!佢再介紹後,原來台灣都可以影到韓風既感覺!因為婚展就夠鐘完結,林經理俾左個好好既優惠,所以考慮左一陣就轉移目標揀左去台灣了! 我係6月份去影既, 出發前好擔心落雨,落機時見到個地係濕既,真係擔心到爆!飛機仲要遲左,所以一落機中午飯都未食就衝去薇薇揀衫... 幫我地揀衫既係小優,佢一見到我身型比較高就好雀躍,話要拎佢覺得最岩我既裙比我試,佢拎緊裙既同時我都有自己睇下其他,size/款式同顏色真係有好多...同場有其他新人都試緊衫,感覺其他職員都好nice! 小優揀俾我既幾條裙我都好鐘意,可惜有一啲我鐘意既款唔岩我身型...我話俾小優知我唔係行可愛風,佢就立即介紹左一啲型格既裙俾我,對絕對係心心眼!所以我諗唔同既新娘子都一定可以揀到岩心水既裙啦! 天公造美!我在台灣落地後就冇落過雨喇!喺香港職員vivian協助下我地揀左陳經理攝影+陳老師化妝(可能同自己同姓比較有親切感)Vivian話陳陳係絕配,合作左好多年好有默契,當日我完全感受到! 陳老師喺薇薇做左好多年,非常資深!我冇特別既髮型想整,只係俾左一堆reference photos佢睇,佢就幫我為每條裙設計髮型+襯頭飾,其中有啲頭飾仲係佢親手整架!超級鐘意! 一見到陳經理就知佢好鬼有個性,岩哂我!佢未必係其他攝影師咁風趣多話,但佢全程都好有心機教你走位,佢甚至會瞓落地影,超pro!但我最想講係陳老師好似識讀心咁,陳經理移動一下都未出聲,佢就知道陳經理想點,個默契真係好誇張!當然助手阿旺都好重要! 我最欣賞係佢地真係work as a team,所有野都互相幫忙,仲對我地十分照顧^^ 第三日去門市揀相,終於見到林經理(因為我去嗰幾日香港都有wedding fair,以為會見唔到佢!)其實期間我去婚展時都有特登去探下佢,仲問佢拎卡片俾啲姊妹!林經理真係超級好,又請我地食野,又冇俾壓力我地!林經理話我地影既相比起其他新人多,話陳經理好喜歡我地夠高(係咪架哈哈),我地揀黎揀去都仲有好多,林經理都好有心機教我地點揀 到最後林經理俾左超優惠,我地雖然超哂支,但成個過程有美好回憶都抵番啦! htt